27 de marzo celébrase como o ‘Día Mundial do Teatro’ en todo o mundo.
É patrocinado polo Instituto Internacional do Teatro (ITI), fundada pola Organización das Nacións Unidas para a Educación, a Ciencia e a Cultura ( UNESCO).
Desde 1962, o Día Mundial do Teatro foi celebrado polos Centros ITI, Membros Cooperantes, profesionais do teatro, organizacións teatrais, universidades e amantes do teatro de todo o mundo, o 27 de Marzo de cada ano. Este día é unha celebración para aqueles que poden ver o valor e importancia da forma de arte “teatro”, e actúa como un chamado de atención para os que aínda non recoñeceron o seu valor para as persoas e para o individuo, e tampouco se deron conta do seu potencial para o crecemento económico.
Este ano, o discurso do Día Mundial do Teatro corre a cargo de Theodoros Terzopoulos, unha das figuras máis influentes do teatro contemporáneo. Director, pedagogo e creador grego, fundou a compañía Attis Theatre e foi un dos inspiradores das Olimpíadas Teatrais, dedicando décadas a explorar as raíces do teatro desde unha perspectiva física, filosófica e política.
“De que vai isto?”
Pode o teatro escoitar a chamada de auxilio que os nosos tempos están a enviar, dun mundo de cidadáns empobrecidos e encerrados en celas de realidade virtual, atrincheirados na súa asfixiante privacidade? Nun mundo de existencia robotizada dentro dun sistema totalitario de control e represión que abarca a totalidade da vida?
Está preocupado o teatro pola destrución ecolóxica, o quecemento global, a perda masiva de biodiversidade, a contaminación dos océanos, o derretimiento dos casquetes polares, o incremento dos incendios forestais e os eventos climáticos extremos? Pode o teatro ser parte activa do ecosistema?
O teatro estivo observando durante moitos anos o impacto dos seres humanos na nosa contorna no planeta, pero atopouse con dificultades para enfrontarse a este problema.
Está o teatro preocupado sobre como a condición humana está a ser moldeada no século XXI, onde o cidadán é manipulado por intereses políticos e económicos, os medios informativos e as compañías que crean opinión? Onde as redes sociais facilitan a manipulación e son a gran coartada para comunicar porque elas provén a distancia de seguridade necesaria co Outro. Un sentido dominante de temor polo Outro, o Diferente, o Estraño, ocupa os nosos pensamentos e as nosas accións.
