Menú
A nosa formación pódese dividir en tres bloques:
As actividades desenvólvense de forma presencial e en liña. A formación en liña facilítase a través de ActingHelps, a nosa plataforma educativa de teleformación.
Temos programas de formación anual, talleres monográficos e cursos de verán.
A práctica do teatro é un exercicio de axilidade mental, compromiso e valentía.
Non é tanto unha disciplina como un marco de experiencia que permite realizar un conxunto moi variado de actividades.
Somos unha escola de artes escénicas e creatividade para profesionais e afeccionados. Se tes intereses culturais ou artísticos… este é o teu espazo!
Somos un equipo con gran experiencia na formación escénica, a interpretación e a realización de espectáculos, e adaptámonos ás novas tecnoloxías e contornas colaborativas.
Liderado por Antonia Céspedes Balongo, docente, xestora e directora teatral, fundadora de Imaxinería S.L, empresa de servizos educativos, que desde o ano 2003 xestiona e imparte formación artística.
20 ANOS IMPARTINDO E XESTIONANDO FORMACIÓN ESCÉNICA
Necesitas un espazo no centro de Vigo?
Imaxinatea é tamén un espazo de coworking artístico. Un lugar para traballar, impartir unha formación, facer unha reunión, unha exposición, unha proxección, un casting…
Praza Francisco Fernández del Riego
Núm. 3 - Local 5 C
36203 - VIGO
Responsable » Imaxinatea Lab Creativo
Finalidade » contactar contigo tal e como solicitas
Lexitimación » teu consentimento
Dereitos » tes dereito, entre outros, a acceder, rectificar, limitar e suprimir os teus datos.
Información adicional: Na páxina de Privacidade de www.imaxinatea.es, atoparás información adicional sobre a recopilación e o uso da túa información persoal, incluída información sobre acceso, conservación, rectificación, eliminación, seguridade, e outros temas.
O teatro é considerado por moitos profesionais como unha ferramenta idónea para desenvolver a autoconfianza e seguridade nun mesmo, mellorando competencias como a de falar en público ou comunicarnos dun modo máis expresivo nas relacións persoais.
A expresión dramática desenvólvese nun marco fundamentalmente grupal que permite traballar competencias vinculadas con sociabilidad, comunicación, creatividade, espontaneidade, resolución de problemas e habilidades de traballo en equipo.
O xogo dramático e a expresión oral son técnicas que se pon ao servizo doutros procesos de aprendizaxe. A conexión máis obvia é o ensino de idiomas e a pedagoxía terapéutica pero hai outras moitas áreas que se poden beneficiar da expresión dramática como recurso pedagóxico.
A arte dramática é unha formación profesional con múltiples perfís: formación actoral, dirección de escena, xestión cultural, escenografía, indumentaria, locución, dobraxe… Unha ampla paisaxe de oportunidades laborais moi interesantes hoxe en día.
En resumo poderiamos falar de tres enfoques:
Temos unha educación teatral de carácter xeral orientada á formación integral do ser humano, unha educación teatral instrumental noutras materias de estudo non directamente teatrais e por último unha educación teatral específica con diversos niveis de especialización.