Esta semana en Imaxinatea Lab Creativo celebramos as nosas Mostras de Nadal, uns días moi especiais nos que o teatro foi o verdadeiro protagonista.
Ao longo das funcións, o público puido viaxar por historias cheas de imaxinación e significado: dende a maxia e os enredos de Os agasallos pérdidos do Nadal, pasando polos mitos e símbolos de A caixa de Pandora, Sísifo e Perséfone, ata achegarnos a unha divertida e diferente visión do Nadal con Papá Noel se jubila e Un Nadal no Vitrasa.
Cada proposta foi froito dun proceso creativo compartido, no que o alumnado traballou a expresión, o xogo escénico e o traballo en equipo, demostrando unha vez máis o seu compromiso e ilusión enriba do escenario.
Para pechar estes días tan intensos e emotivos, deixámosvos unha pequena galería de imaxes con algúns momentos das mostras, para gardar o recordo do vivido xuntos.
Dende Imaxinatea queremos desexarvos unhas moi felices festas e un próspero Aninovo, cheo de saúde, ilusión e moito teatro.
Grazas por acompañarnos e formar parte da nosa familia creativa.
Vémonos en 2026 ✨🎭
