TÉCNICA VOCAL

A técnica do Canto non é dunha disciplina estritamente musical, senón ademais, funcional e fisiológica, no sentido de que aproveita todas as posibilidades físicas do noso corpo que directa ou indirectamente vincúlanse á produción da voz.

O perfil do alumnado é de moi variado en canto a idade, intereses e necesidades vitais refírese. Do mesmo xeito, cada alumno/a posúe unha voz única e irrepetible pois nace e morre con ela. O ensino do canto require, por tanto, a adaptación continua a nivel de desenvolvemento do instrumento, máis unha valoración da madurez psíquica e emocional do aprendiz.

Obxectivos xerais:

1. Coñecemento da voz, o seu timbre, calidades. Cales son os meus puntos vocais fortes e débiles?
2. Como o teu corpo e personalidade inflúe na túa voz e viceversa. Consideremos a voz e o corpo como un todo.
3. Aprendizaxe de hábitos saudables no uso da voz e o corpo. Coñezamos o noso corpo e voz. Técnica vocal.
4. Recuperación da voz en casos de lesións por fala ou canto. Aprendamos a falar ben.
5. Procesos psicolóxicos que afectan á voz, a súa análise e compresión. Que podo facer no día a día para resolver certos problemas
6. Adestramento vocal, estilo e improvisación. Calidades da voz, a súa combinación e uso consciente e creativo.

Metodoloxía:

A metodoloxía empregada é fundamental xa que a maneira de ensinar incide no rendemento do proceso de ensino aprendizaxe. Debe cumprir os seguintes requisitos:

• Interactiva: Inducir á participación na clase. Preguntas, exemplos, dúbidas…
• Motivadora: Fortalecer previamente os coñecementos adquiridos e premiar a participación e o interese.
• Integradora: Incitar á participación de todos segundo os seus coñecementos e/ou destrezas. Non deixar fóra da clase a ninguén, mesmo aos menos capacitados. Traballo en grupo e en parellas.
• Aprendizaxe significativa: Velar pola boa realización do proceso de aprendizaxe.
• Aprendizaxe por descubrimentos: Incitar a que o alumnado descubra os contidos novos por eles mesmos, coa indicación das vías a seguir.
• Constructivista: Resolver e adquirir novos coñecementos a partir de aspectos que coñezan. Relacionar os novos coñecementos cos coñecidos anteriormente, do sinxelo ao complexo.

Os recursos didácticos que se empregarán para incrementar o proceso comunicativo entre o profesor e o alumno serán:

• Actitude positiva, tanto do docente ao impartir a clase como de escoita, atención e interese do alumnado.
• Claridade de exposición.
• Trato adecuado, sen autoritarismo.
• Seguridade e confianza por ambas as partes.
• Contacto visual, especialmente nas actividades prácticas.