INICIACIÓN Á FOTOGRAFÍA ARTÍSTICA

MODALIDADE: Presencial e en liña.

Todas as sesións serán retransmitidas en streaming en vivo e todo o alumnado poderá intervir desde calquera parte do mundo.

DURACIÓN: Ata o 30 de xuño do 2021

GRUPOS E HORARIOS: 

• Clase semanal individual en liña (1 hora): horario a consensuar
• Clase semanal grupal en liña (grupos de 2 persoas): xoves de 20:30 a 22:00
• Clase semanal grupal en liña: (grupos de 3 a 8 persoas): sábados de 10:00 a 11:30

PREZOS: Escolle a túa forma de pago

Descrición

O curso ten como obxectivo xeral capacitar ao alumno para realizar tomas fotográficas dixitais, entender o proceso fotográfico e realizar prácticas en diferentes temas fotográficos, así como a iniciación na aprendizaxe da linguaxe visual, penetrándose no estudo dos grandes mestres da fotografía

Obxectivos específicos

• Coñecer a linguaxe visual da imaxe.
• Coñecer os fundamentos da fotografía.
• Coñecer os referentes fotográficos da historia da fotografía.
• Coñecer a cámara fotográfica e as súas funcións básicas.
• Coñecer os diferentes xéneros e estilos fotográficos.
• Aprender os conceptos básicos de iluminación.
• Coñecer os aspectos básicos da cor na fotografía.
• Coñecer e utilizar os modos de exposición para obter unha imaxe correcta.
• Coñecer e utilizar as regras de composición, a distancia focal e encadre.
• Aprender a utilizar o diafragma para controlar a profundidade de campo.
• Coñecer os aspectos básicos do tratamento dixital de imaxes.
• Coñecer os aspectos da realización dun proxecto fotográfico.

Metodoloxía

O curso constará de sesións teórico-prácticas dunha hora e media de duración onde se traballarán os diferentes contidos do curso.

O alumnado elaborará un proxecto fotográfico que presentará na última sesión.

Material necesario

É recomendable que os alumnos dispoñan dunha cámara réflex dixital.