Movemento e danza para actores e actrices
Movemento e danza para actores e actrices
Movemento e danza para actores e actrices
Esta proposta de formación está dirixida a persoas interesadas en explorar o corpo como ferramenta expresiva dentro do traballo actoral.
A través dunha iniciación ao movemento e ao traballo no espazo, o curso combina técnicas de danza contemporánea e danza popular con exercicios básicos de movemento escénico. O obxectivo é desenvolver a conciencia corporal, ampliar as posibilidades expresivas do intérprete e aprender a construír personaxes a partir do físico, reforzando tamén a presenza escénica.
Durante as sesións traballarase a relación co espazo, o ritmo, a coordinación, a expresividade corporal e a comunicación non verbal, favorecendo que cada participante descubra novas formas de habitar o escenario.
A formación desenvolverase ao longo de 8 sesións entre marzo e xuño, os luns de 11:00 a 12:30 ou 17:30 a 19:00
17:30 a 19:00, nas seguintes datas: 16 e 23 de marzo; 13 e 27 de abril; 11 e 25 de maio; 1 e 8 de xuño.
Sesións
SESIÓN 1
Toma de contacto co grupo e exploración da consciencia corporal, a respiración e a presenza escénica.
SESIÓN 2
Traballo da relación corpo–espazo a través de desprazamentos, niveis e ocupación escénica.
SESIÓN 3
Exploración de diferentes calidades de movemento (peso, enerxía, velocidade e intención).
SESIÓN 4
Introdución ao ritmo e á musicalidade aplicados ao movemento con elementos de danza contemporánea e afíns.
SESIÓN 5
Investigación de como o corpo expresa emocións e estados a través da improvisación.
SESIÓN 6
Creación de personaxes a partir da fisicalidade: camiñadas, posturas e dinámicas corporais.
SESIÓN 7
Composición de pequenas secuencias escénicas integrando movemento, espazo e intención dramática.
SESIÓN 8
Peche do proceso cunha pequena mostra do traballo realizado e unha reflexión compartida sobre as ferramentas adquiridas durante o curso.
O Obradoiro Literario de Francisco Castro é unha actividade pensada para todas aquelas persoas ás que lles gusta escribir e que, polos motivos que fosen, ata o de agora non tiveron oportunidade de lanzarse a facelo. Tamén para todos aqueles que xa escriben e que queren mellorar. En todo caso, é unha actividade dirixida a todas as persoas ás que lles gusta a literatura.
A través de técnicas moi sinxelas as e os participantes, dende o primeiro minuto do Taller, enfrontaranse a unha actividade fundamentalmente lúdica centrada no valor de escribir dende a posta en práctica de formulacións amenas e participativas.
Sesións
SESIÓN 1: ESCRIBIR É DESCRIBIR
Aprenderemos a atopar a mirada literaria. O punto de partida dunha historia é atopar a voz narradora.
SESIÓN 2: O PODER DA IMAXINACIÓN
Todos levamos historias dentro que contar. Aprenderemos a atopar, e a poñer ao noso favor, os desencadeantes das historias.
SESIÓN 3: A LITERATURA SERVE PARA FALAR DO MUNDO
A través de sinxelas técnicas de escritura, aprenderemos o poder da literatura para o coñecemento e para o autocoñecemento. Como escribimos é como somos.
SESIÓN 4: A LITERATURA E A MEMORIA
As boas historias son as que conseguen evocar. Aprenderemos como utilizar a nosa vida e experiencia como material literario.
SESIÓN 5: AS FORMAS DA LITERATURA
O relato, a novela, o poema, o microrrelato, a prosa poética… Practicaremos todos os xéneros ata atopar o que máis nos convén.
SESIÓN 6: O CREADOR
Aprenderemos a construír historias completas, rematadas, definitivas, con personaxes vivas, coherentes, cribles. Buscaremos a verdade literaria dando vida a personaxes verídicas.
SESIÓN 7: A MEMORIA LITERARIA
Todo pode ser literatura. A anécdota ben contada é literatura. Vidas de novela. Literaturizar a vida.
SESIÓN 8: HISTORIAS, CONTOS, O PODER DA PALABRA
Dedicaremos a última sesión a reflexionar sobre a importancia das boas historias. Son as que nos namoran. A quen lle desgusta un conto ben contado?
DOCENTE
Sonia Garrido
Graduada na Escola Superior de Arte Dramática de Galicia (ESAD, 2017–2021). Complementou a súa formación con diversos cursos especializados en interpretación e preparación ao casting.
Realizou unha estancia Erasmus na Janáček Academy of Music and Performing Arts (JAMU) de Brno, na República Checa.
Iniciou a súa formación na Escola Municipal de Danza de Vigo.
- Datas: 16 e 23 de marzo; 13 e 27 de abril; 11 e 25 de maio; 1 e 8 de xuño.
- Horarios: 11:00 a 12:30 ou 17:30 a 19:00.
- Lugar: Imaxinatea Lab Creativo. Praza Francisco Fernández del Riego, nº 3 (rúa traseira), local 5 C. 36203 Vigo
- Profesor: Sonia Garrido
- Prazas: Grupos reducidos
- Inscrición: Aberta
- Información: 986 120 024 - 626 002 072, ou a través do email contacto@imaxinatea.es
- Prezo do obradoiro: 20€ ao mes/10€ ao mes para alumnado de Imaxinatea
